اليوم غادي نجيب ليكم طريقة ساهلة سريعة للحم واهم شيئ بنينة
غادي تخدي بصلة بزايد وتحكيها في الحكاكة وتحطيها في صنية ديال الطياب وتزيدي عليها شوية ديال سكنجبير بلا زيت في الاول وبداي تحركيها حتى تعلك وتولي ذهبية في الاول ملي تبدا تنشف رشي عليها شوية ديال الماء المهم ملي تولي ذهبية زيدي طراف ديال اللحم بكري ولا غنمي الي بغيتي وشحريه معاها وزيدي الخرقوم والقسبور يابس مطحون و البزار ملي تحسي بيه تشخر مزيان مرقيه قياس كاس ديال العنبة وغطيه بورق الالمنيوم وخليه يطيب على نار مهيلة ملي يقرب يطيب زيدي الملحة ولاكين ماتكتريش حيت تيجي عاقد باش مايجيكش مالح المهم ملي يطيب زولي الورق وخليه يتدغمر مزيان انا تندير معاه سلطة وفريت وبعض المرات تندير مقرونة انت الي بغيتي رافقيه بلي يواتيك
جربوها من عندي راه متشبعوش من بنة اللحم خصوصا الي كان فتي
وبالصحة والراحة
ومتناسونيش بالدعيوات
الخميس، 28 أكتوبر 2010
الاشتراك في:
تعليقات الرسالة (Atom)
ليست هناك تعليقات:
إرسال تعليق