هاد الوصفة ديال البرياني الباكستاني خديتها من عند حبيبتي Wafa88 و جربتها و صدقات لي بنييينة و تقريبا نفس ديال المطعم غير انا نزلت على الحرور نزلة وحدة جاني تيشوي فاللساااان ههههههههههه
تناخدوا واحد البصلة تنشلضوها و نديروها تتقلي مع شوية دالزيت و الملح
نزيدوا عليها واحد مطيشة مقطعة مربعات صغار
من بعد نزيدوا نص كيلو اللحم هبرة مقطع بحال شكل دالقطبان
و نزيدوا العطرية : الابزار + الكمون + شوية الثومة غبرة + التندوري + الكاري + التحميرة + القزبور اليابس + السودانية + سكينجبير + شوية الخرقوم
نخلي كلشي يتشحر مزيان فديك العطرية
و نزيد الما حتى يتغطا اللحم كامل
و نغطيوه نخليوه يطيب حتى يطيب اللحم و تختار المريقة و لكن ما تنشفش بزاف
فهاد الأثناء تنوجدوا الروز يتصلق مع الملحة و شوية زيت الزيتون
من بعد تناخد واحد بطاطا و نقطعها مربعات و نرميها فالزيت و مليحة حتى تتشحر
و ناخد 2 بصلات نشلضهوم مزيان و نديرهوم تاهوما يتشحروا فزويتة مع مليحة حتى يتحمروا
من بعد تنزيدوا ديك بطاطا اللي قلينا على الخليط ديال اللحم
و ناخدوا كاميلة تكون غارقة شوية , ندهنوها بالزيت و نديروا فيها الطبقة الأولى ديال الروز
و نديروا فوقها واحد التفريشة ديال البصلة مقلية
و نزيدوا طبقة ديال اللحم
و نعاودوا الطبقة الثانية بنفس المراحل الروز ثم البصلة ثم اللحم
و ندخلوها للفران واحد 15 دقيقة حتى يتحمر داك اللحم من الفوق
و نخلطوا مزيان بالملعقة الكبيرة و هاهو البرياني واجد بنييييييين
و ناخدوا كاميلة تكون غارقة شوية , ندهنوها بالزيت و نديروا فيها الطبقة الأولى ديال الروز
و نديروا فوقها واحد التفريشة ديال البصلة مقلية
و نزيدوا طبقة ديال اللحم
و نعاودوا الطبقة الثانية بنفس المراحل الروز ثم البصلة ثم اللحم
و ندخلوها للفران واحد 15 دقيقة حتى يتحمر داك اللحم من الفوق
و نخلطوا مزيان بالملعقة الكبيرة و هاهو البرياني واجد بنييييييين
ليست هناك تعليقات:
إرسال تعليق